Einhverjum er örugglega skemmt!

Bréf frá menntamálaráðuneyti „ekki sé heimilt að veita nemendum í 8.

bekk leyfi til að fara í 1 - 2 daga ferð á vegum kirkjunnar í

tengslum við fermingarundirbúning. Slíkt samrýmist ekki

grunnskólalögum eða aðalnámskrá grunnskóla."

Afhverju núna eftir áralanga hefð fyrir þessum ferðum?  Annaðhvort eru starfsmenn ráðuneytisins ekki að sinna vinnu sinni og gæta að hvað má og hvað ekki eða einhvert "trúleysis" foreldrið hafi viljað eyðileggja fyrir öllum hinum sem hafa hingað til tekið þessum þætti fermingarstarfsins fagnandi.

Læt fylgja nokkrar myndir frá ferð fermingabarna Árbæjarsafnaðar í Vatnaskóg núna í nóvember.  Fleiri myndir eru að finna á síðunni: www.arbaejarkirkja.is

 

Nokkra hressar stelpur bíða eftir matnum.

 

 

 

 

 

 

 

Hreyfing er hollusta! Landsliðsmenn framtíðarinnar?

 

Það er eitthvað þarna uppi!

 

 

 

 

Það verður að segjast eins og er að það er sorglegt ef af verður að fella niður þennan þátt í fermingarfræðslunni! 

 

Athugasemdir

[Brynjólfur Þorvarðsson, 19.11.2007 kl. 23:29]

Sem fyrrverandi leiðbeinandi í unglingadeild veit ég hversu erfitt þetta er gagnvart skólanum. Þar sem ég kenndi var gert ráð fyrir fermingarfræðslunni í stundatöflu með tilheyrandi kvörtunum kennara og rifrildum á kennarastofu. Hver vildi missa úr tíma í sínu fagi? Enginn.

Auðvitað er foreldrum frjálst að biðja um frí fyrir börn sín til að fara í svona ferðir, þetta bréf breytir engu um það. En skólinn má ekki gera ráð fyrir ferðinni með því t.d. að fella niður kennslu þrátt fyrir að það hafi sums staðar verið gert, enda er það gríðarlega óréttlátt gagnvart börnum sem láta ferma sig annars staðar en í Þjóðkirkjunni. Í sumum skólum er það hlutfall orðið verulegt og almennt má telja að í hverjum meðal bekk séu 2-3 sem eru utan Þjóðkirkjunnar.

Svo er öllum hollt, ekki síst Þjóðkirkjunni, að gera fullan aðskilnað milli skóla og kirkju.

[Þór Hauksson (IP-tala skráð) 20.11.2007 kl. 08:52]

Sæll Brynjólfur,

það sem ég furða mig líka á (reyndar ekki séð bréfið í heild sinni) að fermingarfræðslan ein og sér er tekin út.  Afhverju ekki tómstundir eins og íþróttir og annað það er tengist áhugasviðum barna?