Ekkert fólk í kirkjunni hvað gerir þú þá?

"Hvað ertu að gera í kirkjunni þegar ekkert fólk er?"spurði ung dama mig í morgun.  Hún var ein af 110 börnum í 4 og 6 bekk Selásskóla sem komu í kirkjuna sína í   aðventu heimsókn með skólanum sínum. 

Leik og grunnskólaheimsóknirnar eru hafnar hjá okkur í Árbæjarkirkju.  Næstu vikurnar fram að jólum munum við taka á móti 2000 börnum.  Þessar heimsóknir eru alltaf skemmtilegar.  Þær eru skemmtilegar vegna þeirrar einlægni sem börnin búa yfir.  Stúlkan sem ég sagði frá hafði einlægar áhyggjur af því hvað presturinn væri eiginlega gera í kirkjunni þegar ekkert fólk væri í henni.  Ég hef alltaf ætlað mér að skrá hjá mér athugasemdir barnanna í gegnum árin en ekki orðið af efndum.  Ég lofa ykkur því að á hverjum degi fram að jólum mun ég birta gullkorn barna sem koma til okkar í kirkjuna.Í þeim efnum æsast leikar verulega þegar leiksskólabörnin mæta á staðinn.   "Jesú fæddist í rúmi með engum kodda eða sæng heldur mat kúnna í fjósinu."sagði einn spekingslegur herramaður á að giska 3 ára í óspurðum fréttum í fyrra.  Svo er alveg klassískt eins og í morgun að komið er til mín.  "Manstu ekki eftir mér" og ég svara jú auðvitað.   "Þú skírðir mig."  "giftir þú ekki mömmu og pabba.?"

Athugasemdir

[Sigurlaug B. Gröndal, 3.12.2007 kl. 13:05]

Þetta er alveg yndislegar stundir með þeim og gullkornin eru óborganleg. Þegar ég starfaði á leikskólanum þá var einmitt farið til kirkju á aðventunni. Ég hafði mér við hægri hönd ungan herramann í einni slíkri ferð. Þegar við sátum í kirkjunni (Seljakirkju) sat  Kjartan Sigurjónsson organisti við orgelið og lék jólasálm en hann sneri einmitt baki í okkur þar sem við sátum. Þá gellur í mínum unga sessunaut, "Silla, er þetta ekki Bracúla greifi?", Hvernig kemst maður inn í kastalann hans"? (sagði hann og benti á orgelið með öllum sínum stóru pípum). Þetta var alger gullmoli. Þeir sem horfðu á Bracúla greifa hérna um árið, sjá samlíkinguna. Endilega haltu þessum gullmolum til haga. Þær eru ómetnalegar perlur.

[Þór Hauksson, 3.12.2007 kl. 14:15]

Þessi er einfaldlega stórkostlegur!  Skelli honum á Kjartan næst þegar ég hitti hann!